SCI Departments‎ > ‎

Chemistry

 Welcome to the Department of Chemistry

I would like to welcome you to the Department of Chemistry in the College of Science at the University of Sulaimani. The department of chemistry has been established with the opening of the University of Sulaiamni in 1968. It was then removed to Erbil by the central government in Baghdad among the political turmoil in 1981. The department then was re-established at the University of Sulaimani in 1995 with limited resources and with the help of a group of hard-working staff. From then, our department is actively involved in both academic teaching and scientific research, and it includes various teaching and research branches such as Analytical Chemistry, Physical Chemistry, Organic Chemistry, Inorganic Chemistry, Biochemistry, Renewable and Green Chemistry, Petroleum, and Industrial Chemistry. Meanwhile, different novel subjects such as Colloids and Biomaterials, Environmental and Nanoscience are currently given to undergraduate and postgraduate students. Currently, the department gives various degrees, B.Sc. in chemistry, high diplomas, masters, and PhD degrees in various chemistry fields.

Latest News

بەناوی سەرۆکایەتی بەشی کیمیا و مامۆستایانی بەشەکەمانەوە پیرۆزبایی خۆمان ئاڕاستەی برای بەڕێزمان کاک (د. جلیل صالح خەلیفە) دەکەین بەبۆنەی کۆتایی هێنان بە ڕاژەیی زانکۆیی و خانەنشینبوونەیەوە. هیوای بەردەوامی بۆ دەخوازین لە وێستگەی نوێیی ژیانییان  و ئومێد دەکەین کە هەمیشە بەختەوەر و لەشساغ بێت. بەڕێز د. جلیل یەکێکە لە مامۆستا کۆنەکانی زانکۆی سلێمانی لە ساڵی ١٩٧٨ ەوە وەک موعید لە زانکۆی سلێمانی دامەزراوە و خزمەتی کردوە، دواتر لە زانکۆی سەلاحەدین بەردەوامی بە خزمەت داوە لە بەشی کیمیای کۆلێجی زانست. دواتر لە سەرەتاکانی دامەزراندەوەی بەشی کیمیا لە زانکۆی سلێمانی دەستبەکار دەبێتەوە و سەرلەنوێ بەبێ وچان هەتا ئەمڕۆ بەردەوام بووە لە کارکردن   . بەڕێز د. جەلیل لە ساڵانی خزمەتکردنی وەک سەرۆکی بەشی کیمیا ٢٠٠١ بۆ ٢٠٠٢، خزمەتی گەورەی کرد و بە ئەمانەتەوە کارەکانی جێبەجێ دەکرد.هیوادارین بەڕێزیان لە وێستگەی تازەیاندا، بەردەوام و درێژەدەر بن بە خزمەتکردن، بە پشت بەستن بە ئەزموونی دەوڵەمەندی ئەکادیمی و  ئەزموونە جۆراوجۆرەکانی ژیانیان.

ئومێدی بەختەوەری و لەشساغی بۆ دەخوازین..

                                                                                             پ. د. خالید محمد عمر

سەرۆکی بەش       

بایۆگرافی د. جەلیل:

ناوی تەواوی  د. جلیل صالح خەلیفە، لە شاری کەرکوک لە ساڵی ١٩٥٤ لەدایکبووە، خوێندنی سەرەتایی و ناوەندی و دواناوەندی لە هەمان شار تەواو کردوە. دواتر لە بەشی کیمیای زانکۆی بەغدا وەردگیرێت و لە ساڵی -١٩٧٨ بەکالۆریۆس لە کیمیا لە زانکۆ بەغدا  بەدەست دەهێنێت . لە ساڵی ١٩٧٨ وەک موعید لە بەشی کیمیای زانکۆی سلێمانی دادەمەزرێت. لە ساڵی ١٩٨٦ بڕوانامەی ماستەر لە کیمیای پۆلیمەری تەتبیقی لە زانکۆی سەلاحەدین بە سەرپەرشتی بەڕێزان پڕۆفیسۆر  د. فاضل محمد نەجیب و پڕۆفیسۆر د. ئیبراهیم خورشید بەدەست دەهێنێت . لە ساڵی ١٩٩٦ لە زانکۆ بەغدا لە بواری کیمیای فیزیاوی-کینەتیکس، دکتۆرا بەدەست دەهێنێت  لەژێر سەرپەرشتی هەردوو پڕۆفیسۆر د. حمزە عبدالحسین و پڕۆفیسۆر د. کریم شریف. دوای تەواوکردنی دکتۆراکەی دەگەڕێتەوە  بۆ زانکۆی سلێمانی و هەتا ڕۆژی خانەنیشنوونی بەردەوام دەبێت لە خزمەتکردن. بەڕێز د. جەلیل ماوەیەک سەرۆکی بەشی کیمیا بووە.

لەماوەی خزمەتی زانکۆییدا، سێ داهێنان ( براءة  الابداع ، patent) ی تۆمارکردوە، لەگەڵ چەندین توێژینەوەی ناوخۆیی و نێودەوڵەتی.



Latest News

سوپاس و پێزانین
بە بۆنەی کۆتایی هاتنی ساڵ و پرۆسەی هەڵسەنگاندنی کۆتایی ئەزمونەکانی ساڵی خوێندنی ٢٠١٩-٢٠٢٠ بە شیوازی کامپەس و پاڵپشتکاری ئەلیکترۆنی، وەک سەرۆکی بەش سوپاس و پێزانینی خۆم ئاڕاستەی یەکە بەیەکەی مامۆستایانی بەشەکەمان دەکەم کە بەپەرۆشە و بە گیانێکی لێبوردوانە بەشداری پرۆسەی خوێندنی ئەلکترۆنیان کرد و سەرکەتووانە کارەکانیان ڕاپەڕاند
هەروەها سوپاسی بڕیاڕدەری بەش، بەڕێز د. یوسف مصطفى دەکەم کە زۆر لێبوردوانە، تەنانەت لەسەردەمی کوارەنتینشدا، خەمخۆرانە ئیشەکانی بەش و لیژنەکانی بۆڵۆنیای سەرکەتوانە ڕاپەڕاند. سەرکەوتنی پێواژۆی بۆڵۆنیا بەو شێوە جوانە لەبەشەکەمان و لە کۆلێج، پشکێکی گەورەی بەر د. یوسف دەکەوێت.
سوپاسی خۆم ئاڕاستەی بەڕیزان لیژنەی تاقیکردنەوەکانی بەش لە هەردوو سیستەمی ساڵانە (د. کۆسار حکمت، م. سوارە جلال و م. ڕێباز فایەق) و سیستەمی پێواژۆی بۆڵۆنیا ( د. یوسف مصطفى، د. نیان نەریمان و م. کارزان عزیز ) دەکەم کە زۆر ماندوونەناسانە و دڵسۆزانە لەم دۆخە ناهەموار و مەترسیەی کۆرۆنادا، بەردەوام چ لە زانکۆ و چ لە ماڵ سەرقاڵی کارەکانیان بوون بە شەو و ڕۆژ، یاخوا نموونەیان زۆر بێت و خودا تەندروست و سەرکەوتوویان بکات.
سوپاسم بۆ هەموو ئەندام و سەرۆکی لیژنەکانی بەش کە هاوکاری سەرخستنی پرۆسەکە بوون.
سوپاس و پێزانیمان بۆ بەڕێز ڕاگری کۆلێجی زانست و یاریدەدەری ڕاگر کە بەردەوام و ماندوونەناسانە هاوکار و لەسەرخەت بوون بۆ بەکۆتاهاتنی پرۆسەکە بە سەرکەوتووانە.
سوپاس و پێزانینمان بۆ بەڕێز سەرۆکی زانکۆ، کە هەمیشە پاڵپشتی بەردەوامی بەشەکەمانە و بەردەوام هاوکاربووە بۆ بەرەوپێشبردنی بەشی کیمیا.
بەهیوای سەرکەوتن بۆ خوێندکارە خۆشەویستەکانمان لە تاقیکردنەوەکان و پرۆسەی فێربوونی ئەمساڵدا. بەهیوای ئەوەی ساڵی ئاییندە لە کامپەس و لەناو هۆڵەکانی خوێندن پرۆسەی فێربوون ئەنجامبدەین. ئومێد دەکەین پرۆسەی فێربوونی ئەلکترۆنی لەگەڵ خوێندن لە کامپەس تەوژمی زیاتر بە گەشەی پرۆسەی فێربوون بدات.
لە کۆتاییدا هیوای ساغی و سەلامەتی بۆ هەمووان دەخوازم، وە لە خوای گەورە داواکارم کە رزگارمان بێ لەپەتای کۆرۆنا و ئەم دۆخە تێبپەرێت و ساڵی نوێ بە دەستپێکیکی باشتر دەستپێبکەینەوە
پ. د. خالید محمد عمر
سەرۆکی بەش

Latest News

بڕیاری وەزارەتی خوێندنی باڵا لە بارەی پرۆسەی خوێندنی ئەمساڵ لە زانكۆ و پەیمانگاكان

مامۆستایان و خوێندكاران و قوتابیانی ئازیز ی زانكۆكانی كوردستان و دامەزراوەكانی خوێندنی باڵا سەرەتا لە ناخی دڵمەوە پیرۆزبایی جەژنی رەمەزانتان لێدەكەم، هیوای تەندروستی باش بۆ هەموو لایەكتان دەخوازم و هەروەها هیوام وایە كوردستانەكەمان بەرەو ئارامی و سەقامگیری ئابوری و سیاسی و كۆمەڵایەتی زیاتر هەنگاو بنێت، وەك دەزانن بەهۆی سەرهەڵدانی پەتای گشتگیری كۆرۆنا و لیكەوتەكانی و ڕێكارە خۆپارێزیەكان و گرفت و قەیرانی ئابوری ، هەرێمەكەمان بە قۆناغێكی دژواردا تێپەڕ دەبێت، وەزارەتی خوێندنی باڵا و توێژینەوەی زانستی لەم قۆناغەدا هەوڵی داوە بە رەچاوكردنی دۆخی ئابوری و سایكۆلۆجی مامۆستایان و قوتابیان و خوێندكاران و پاراستی بەرژەوەندی گشتی چارەسەری واقیعی و گونجاو بۆ پاراستنی خوێندنی ئەمساڵ بدۆزینەوە، لێرەدا بە پێویستی دەزانم سوپاسی تایبەتی مامۆستایانی ئازیز و فەرمانبەرانی زانكۆكانی كوردستان بكەم كە لەم قۆناغەدا سەرباری قەیران و گرفتەكان توانیان بە گیانی لە خۆبردوویی و هەستكردن بە بەرپرسیارێتی نیشتیمانی هاوكاری پاراستنی پرۆسەی خوێندنی ئەم ساڵ بكەن. هەر وەك پێشتر لە ئەنجومەنی وەزارەت بڕیارمان دابوو كە ئەگەر دۆخی تەندروستی هەرێمەكەمان لەبار بێت ئەوا لە ٣١/ ٥/٢٠٢٠ دەرگای كامپەسی زانكۆكان بكەینەوە و بەردەوامی بە پرۆسەی خوێندنی بدەین، بەڵام بەداخەوە دواگۆڕانكاریەكانی دۆخی تەندروستی و ڕێنمایی و ڕاپۆرتەكانی دامەزراوەكانی وەزارەتی تەندروستی پێمان دەڵێن كە لە ئێستادا ناتوانین دەرگای كامپەسەكانی خوێندن بكەینەوە، بەتایبەت قوتابیان و خوێندكارانی زانكۆكان لە شار و شارۆچكە و شوێنە جیاجیاكانی هەرێمی كوردستانەوە دێن و لە نێو بەشە ناوخۆییەكاندا نیشتەجی دەبن، هەر بۆیە لەئێستادا گەڕانەوەیان بۆ نێو كامپەس و بەشە ناوخۆییەكان مەترسی بۆ بڵاوبونەوەی زیاتری ئەم پەتایە دروست دەكات، لەم چوارچێوەیەشدا دوای ڕاوێژ و لەسەر ڕاسپاردەی بەڕێزان سەرۆك و جێگری سەرۆكی حكومەت ، لە كۆبونەوەی ژمارە (٨)ی نائاسایی ئەنجومەنی وەزارەتی خوێندنی باڵا و توێژینەوەی زانستی كە لەڕێكەوتی ٢٦/٥/٢٠٢٠ بەشێوەی ئۆنلاین ئەنجام درا ، دوای تاوتوێ كردنی دواگۆڕانكارییەكانی بڵاوبونەوەی ڤایرۆسی كۆرۆنا و چارەنوسی پرۆسەی خوێندنی ساڵی (٢٠١٩-٢٠٢٠)، لەپێناو بەرژەوەندی گشتی ئەم بڕیارانەی لای خوارەوە درا : بڕگەی یەكەم: ئەو زانكۆیانەی كە پەیڕەوی بۆڵۆنیا پرۆسێس دەكەن بەم شێوەیەی خوارەوە بڕیاردرا: 1. ئەژماركردنی هەموو ئەو كریدیتانەی كە خوێندراوە و تاقیكردنەوەی تێدا ئەنجام دراوە بۆ ساڵی خوێندنی (٢٠١٩-٢٠٢٠). 2. ئەو كریدیتانەی كە نەخوێندراوە ئەوا دابەش دەكرێت بەسەر سیمیستەرەكانی داهاتوو لە ساڵی خوێندنی (٢٠٢٠-٢٠٢١) و لە سیمیستەرەكانی ساڵانی داهاتوو دەخوێندرێت، چونكە بە گوێرەی سیستمی بۆڵۆنیا ئەم جۆرە گۆڕانكاریانە ڕێگەپێدراوە بە پێی بنەماكانی كۆكردنەوەی كریدیت. بڕگەی دووەم: سیستەمی ساڵانە و سیستەمی كۆرسات: بەم شێوەی خوارەوە جێبەجێ دەكرێت: 1. هەموو بەشەكان (زانستییەكان و مرۆڤایەتییەكان) ئەنجامی تێرمی یەكەمیان بۆ ئەژمار دەكرێت بۆ مەبەستی دەرچوون یان دەرنەچوونی ساڵی خوێندنی (٢٠١٩-٢٠٢٠). 2. ئەو قوتابی و خوێندكارانەی كە لە ئەنجامەكانی تێرمی یەكەم دەرنەچوون یاخود تاقیكردنەوەیان نەكردوە، ئەوا زانكۆكان لە ڕێگەی ڕاپۆرتی زانستی یاخود هەر میكانیزمێكی تری گونجاو هەڵسەنگاندن ئەنجام ئەدەن، بەبێ ئەوەی قوتابیان و خوێندكاران بگەڕێنەوە نێوكامپەسی زانكۆكان. 3. ئەو قوتابی و خوێندكارانەی كە بەئەنجامەكانی تێرمی یەكەم دەرچوون ئەوا سەرپشكن كە دوبارە بەشداربن لەو هەڵسەنگاندنەی كە بە ڕاپۆرت و میكانیزمەكانی تر ئەنجام ئەدرێت، ئەگەر خوێندكارێك بیەوێت نمرەكانی بەرزبكاتەوە لە پێناو پاراستنی كێبڕكێی زانستی. 4. سەبارەت بە توێژینەوەی دەرچوونی قۆناغە كۆتاییەكان ئەوا نمرەكان دابەش دەكرێت لە نێوان مامۆستای سەرپەرشتیار و یەك مامۆستای تری هاوپسپۆر كە هەڵسەنگاندن بۆ توێژینەوەكە ئەنجام ئەدات. 5. سەبارەت بە قوتابیان و خوێندكارانی قۆناغی كۆتایی كۆلیجەكانی پزیشكی گشتی و پزیشكی ددان ئەوا دەنێردرێنە ناو نەخۆشخانەكان بۆ تەواوكردنی لایەنی پراكتیكی وانەكانیان و دواتر هەڵسەنگاندنیان بۆ ئەنجام ئەدرێت لەبری تاقیكردنەوەی كۆتایی ساڵی خوێندنی (٢٠١٩-٢٠٢٠). بڕگەی سێیەم: بۆ جێبەجێكردنی ئەم بڕیارانەی سەرەوە دەسەڵات ئەدرێت بە زانكوكان بۆ دارشتنی ووردەكاری جێبەجێكردن لەپێناو ڕەچاوكردن و پاراستنی جیاوازی و تایبەتمەندێتی نێوان زانكۆكان. بڕگەی چوارەم: زانكۆ و پەیمانگە تایبەتەكانیش ئەم بڕیارانەی سەرەوە جێبەجێ دەكەن. بڕگەی پێنجەم: سەبارەت بە قوتابیان و خوێندكارانی دبلۆمی باڵا و ماستەر و دكتۆرا ئەوا بەپێی بڕیارەكانی پێشو و پرۆگرامی خوێندنی خۆیان بەردەوام ئەبن. لە كۆتاییدا هیوای تەندروستی و سەركەوتن بۆ یەكەبەیەكەی خوێندكاران و قوتابیان دەخوازم و لە ناخەوە سوپاسی دایك و باوك و كەسوكاری بەڕێزیان دەكەم كە لە پێگەیاندنی ڕۆڵەكانیاندا ماندوو بوون و درێغییان نەكردوە، هەروەها جارێكی تر پڕ بەدڵ سوپاسی سەرجەم مامۆستایان و فەرمانبەرە بەڕێزەكانی وەزارەتی خوێندنی باڵا و زانكۆكان دەكەم كە هەمیشە لە پێناو خزمەتكردن و پێگەیاندنی ڕۆڵەكانی نیشتیمانەكەماندا درێغیان نەكردوە. لەگەڵ هیوای سەركەوتن بۆ هەموو لایەك. د. ئارام محمد قادر وەزیری خوێندنی باڵا و توێژینەوەی زانستی ٢٦/٥/٢٠٢٠


College Of Science/Chemistry Department




https://drive.google.com/file/d/1fsrL1ddOWbYaxyt57NXmEAuJt_rG6wAc/view?usp=drive_web
https://drive.google.com/file/d/1URH2hhjVQSuv6LF6bkDpkfd5JgshzcxJ/view?usp=drive_web
https://sites.google.com/a/univsul.edu.iq/school-of-science/SCI-Depts/chemistry/Facebook.png








Organic Chemistry Reference Resolver


Chemistry News


Date & Time


RSC | Chemistry World