پێنج جۆری نوێ

New Species

ـی گیانداران (جاڵجاڵۆکە)، لەهەرێم کوردستان و بۆ یەکەم جار لەسەر ئاستی جیهان دۆزرانەوەو وەکو جۆری نوێ Novel Species لەزانستدا ناسێنران.
ناوە زانستییەکانی ئەم جۆرانە بەناوی کوردستان و گەرمیان و سۆران و گۆیژەو هەزارمێردەوە ناونران.
دیسدرا کوردستانیکە Dysdera kurdistanica
دیسدرا گۆیژە Dysdera goyzha
پەڵپیمانەس گەرمیانەس Palpimanus garmiyanus
تیجیناریا سۆرانی Tegenaria sorani
زیلۆتس هەزارمێردێنسیس Zelotes hazarmerdensis

نموونەی ئەم جاڵجاڵۆکانە لەسێ ساڵی رابردوودا لەلایەن (فەرهاد احمد خدر) پڕۆفیسۆری یاریدەدەر لەبەشی بایۆلۆجی کۆلێجی زانستەوە لەناوچە جیاجیاکانی هەرێمی کوردستان، بەتایبەتیش سلێمانی و دەوروبەری، دۆزرانەوە. پاشان لەکارێکی هاوبەشی نێوان زانکۆی سلێمانی و زانکۆی مەندڵ لەکۆماڕی چیک و زانکۆی Altai لەرووسیاو بەسەرپەرشتی (د.علیرەزا زەمانی) لەزانکۆی Turku لەفنلەندا، بابەتەکانی ئەم دۆزینەوە زانستییە لەجۆڕناڵی بەئیمپاکت فاکتەری نیودەوڵەتی Zootaxa بڵاوکرایەوە.
جێگەی باسە کە تەنیا لە٧٤ نموونەی کۆکراوە، ئەم پێنج جۆرەیان Species نوێ بوون. لەپاڵ ئەمەشدا چەندین نموونەی توخم و جۆری تریان وەکو ریکوردی نوێ خرایە لیستی فاونای گیاندارانی عێراق و کوردستانەوە.

لە ڕێکەوتی ٢0ی ئایاری ٢٠٢٤ گفتوگۆی تێزی دکتۆرای خوێندکاری دکتۆرا (لەنجە فاروق رؤوف) لە هۆڵی سیمیناری بەشی جیۆلۆجی لە کۆلێجی زانست بەڕێوە چوو.
ناونیشانی تێزی دکتۆرا:
(Feasibility of Using Underground Thermal Energy Storage (UTES) System in Selected Sites within Halabja- Khurmal Sub-basin/NE Iraq)

ئەندامانی لیژنەکە لەم بەڕێزانەی لای خوارەوە پێکهاتبوون:
1- پ.د. قصي یاسین سلمان الکبیسي – سەرۆکی لیژنە.
2- پ.د. صبار عبداللە القیسي – ئەندام.
٣- پ.د. عمر صباح التمیمي – ئەندام.
4- پ.ی.د. دارا فائق حمە امين – ئەندام.
5- پ.ی.د. ئاکۆ ڕەشید حەمە – ئەندام.
6- پ.د. صلاح الدين سعيد علي – ئەندام و سەرپەرشتیار
7- پ.د. نظير عباس الأنصاري- ئەندام و سەرپەرشتیار

دوای گفتۆگۆ تێزەکە بە پلەی نایاب وەرگیرا.
راگرایەتی کۆلێج پیرۆزباییەکی گەرم لە خوێندکار و سەرپەشتیارەکانی دەکات و هیوای سەرکەوتنیان بۆ دەخوازێ، هەروەها دەستخۆشی لە ئەندامانی لیژنەکە دەکات.