News&Events

ڕیزبەندی خوێندکارانی قۆناغی سێ هەم, ئیواران

posted Jul 29, 2020, 1:56 PM by Mohammed Ahmed Hassan Qadir


بڕیاری وەزارەتی خوێندنی باڵا لە بارەی پرۆسەی خوێندنی ئەمساڵ لە زانكۆ و پەیمانگاكان

posted May 26, 2020, 10:54 PM by rebaz fayaq hamarawf

Latest News

بڕیاری وەزارەتی خوێندنی باڵا لە بارەی پرۆسەی خوێندنی ئەمساڵ لە زانكۆ و پەیمانگاكان

مامۆستایان و خوێندكاران و قوتابیانی ئازیز ی زانكۆكانی كوردستان و دامەزراوەكانی خوێندنی باڵا سەرەتا لە ناخی دڵمەوە پیرۆزبایی جەژنی رەمەزانتان لێدەكەم، هیوای تەندروستی باش بۆ هەموو لایەكتان دەخوازم و هەروەها هیوام وایە كوردستانەكەمان بەرەو ئارامی و سەقامگیری ئابوری و سیاسی و كۆمەڵایەتی زیاتر هەنگاو بنێت، وەك دەزانن بەهۆی سەرهەڵدانی پەتای گشتگیری كۆرۆنا و لیكەوتەكانی و ڕێكارە خۆپارێزیەكان و گرفت و قەیرانی ئابوری ، هەرێمەكەمان بە قۆناغێكی دژواردا تێپەڕ دەبێت، وەزارەتی خوێندنی باڵا و توێژینەوەی زانستی لەم قۆناغەدا هەوڵی داوە بە رەچاوكردنی دۆخی ئابوری و سایكۆلۆجی مامۆستایان و قوتابیان و خوێندكاران و پاراستی بەرژەوەندی گشتی چارەسەری واقیعی و گونجاو بۆ پاراستنی خوێندنی ئەمساڵ بدۆزینەوە، لێرەدا بە پێویستی دەزانم سوپاسی تایبەتی مامۆستایانی ئازیز و فەرمانبەرانی زانكۆكانی كوردستان بكەم كە لەم قۆناغەدا سەرباری قەیران و گرفتەكان توانیان بە گیانی لە خۆبردوویی و هەستكردن بە بەرپرسیارێتی نیشتیمانی هاوكاری پاراستنی پرۆسەی خوێندنی ئەم ساڵ بكەن. هەر وەك پێشتر لە ئەنجومەنی وەزارەت بڕیارمان دابوو كە ئەگەر دۆخی تەندروستی هەرێمەكەمان لەبار بێت ئەوا لە ٣١/ ٥/٢٠٢٠ دەرگای كامپەسی زانكۆكان بكەینەوە و بەردەوامی بە پرۆسەی خوێندنی بدەین، بەڵام بەداخەوە دواگۆڕانكاریەكانی دۆخی تەندروستی و ڕێنمایی و ڕاپۆرتەكانی دامەزراوەكانی وەزارەتی تەندروستی پێمان دەڵێن كە لە ئێستادا ناتوانین دەرگای كامپەسەكانی خوێندن بكەینەوە، بەتایبەت قوتابیان و خوێندكارانی زانكۆكان لە شار و شارۆچكە و شوێنە جیاجیاكانی هەرێمی كوردستانەوە دێن و لە نێو بەشە ناوخۆییەكاندا نیشتەجی دەبن، هەر بۆیە لەئێستادا گەڕانەوەیان بۆ نێو كامپەس و بەشە ناوخۆییەكان مەترسی بۆ بڵاوبونەوەی زیاتری ئەم پەتایە دروست دەكات، لەم چوارچێوەیەشدا دوای ڕاوێژ و لەسەر ڕاسپاردەی بەڕێزان سەرۆك و جێگری سەرۆكی حكومەت ، لە كۆبونەوەی ژمارە (٨)ی نائاسایی ئەنجومەنی وەزارەتی خوێندنی باڵا و توێژینەوەی زانستی كە لەڕێكەوتی ٢٦/٥/٢٠٢٠ بەشێوەی ئۆنلاین ئەنجام درا ، دوای تاوتوێ كردنی دواگۆڕانكارییەكانی بڵاوبونەوەی ڤایرۆسی كۆرۆنا و چارەنوسی پرۆسەی خوێندنی ساڵی (٢٠١٩-٢٠٢٠)، لەپێناو بەرژەوەندی گشتی ئەم بڕیارانەی لای خوارەوە درا : بڕگەی یەكەم: ئەو زانكۆیانەی كە پەیڕەوی بۆڵۆنیا پرۆسێس دەكەن بەم شێوەیەی خوارەوە بڕیاردرا: 1. ئەژماركردنی هەموو ئەو كریدیتانەی كە خوێندراوە و تاقیكردنەوەی تێدا ئەنجام دراوە بۆ ساڵی خوێندنی (٢٠١٩-٢٠٢٠). 2. ئەو كریدیتانەی كە نەخوێندراوە ئەوا دابەش دەكرێت بەسەر سیمیستەرەكانی داهاتوو لە ساڵی خوێندنی (٢٠٢٠-٢٠٢١) و لە سیمیستەرەكانی ساڵانی داهاتوو دەخوێندرێت، چونكە بە گوێرەی سیستمی بۆڵۆنیا ئەم جۆرە گۆڕانكاریانە ڕێگەپێدراوە بە پێی بنەماكانی كۆكردنەوەی كریدیت. بڕگەی دووەم: سیستەمی ساڵانە و سیستەمی كۆرسات: بەم شێوەی خوارەوە جێبەجێ دەكرێت: 1. هەموو بەشەكان (زانستییەكان و مرۆڤایەتییەكان) ئەنجامی تێرمی یەكەمیان بۆ ئەژمار دەكرێت بۆ مەبەستی دەرچوون یان دەرنەچوونی ساڵی خوێندنی (٢٠١٩-٢٠٢٠). 2. ئەو قوتابی و خوێندكارانەی كە لە ئەنجامەكانی تێرمی یەكەم دەرنەچوون یاخود تاقیكردنەوەیان نەكردوە، ئەوا زانكۆكان لە ڕێگەی ڕاپۆرتی زانستی یاخود هەر میكانیزمێكی تری گونجاو هەڵسەنگاندن ئەنجام ئەدەن، بەبێ ئەوەی قوتابیان و خوێندكاران بگەڕێنەوە نێوكامپەسی زانكۆكان. 3. ئەو قوتابی و خوێندكارانەی كە بەئەنجامەكانی تێرمی یەكەم دەرچوون ئەوا سەرپشكن كە دوبارە بەشداربن لەو هەڵسەنگاندنەی كە بە ڕاپۆرت و میكانیزمەكانی تر ئەنجام ئەدرێت، ئەگەر خوێندكارێك بیەوێت نمرەكانی بەرزبكاتەوە لە پێناو پاراستنی كێبڕكێی زانستی. 4. سەبارەت بە توێژینەوەی دەرچوونی قۆناغە كۆتاییەكان ئەوا نمرەكان دابەش دەكرێت لە نێوان مامۆستای سەرپەرشتیار و یەك مامۆستای تری هاوپسپۆر كە هەڵسەنگاندن بۆ توێژینەوەكە ئەنجام ئەدات. 5. سەبارەت بە قوتابیان و خوێندكارانی قۆناغی كۆتایی كۆلیجەكانی پزیشكی گشتی و پزیشكی ددان ئەوا دەنێردرێنە ناو نەخۆشخانەكان بۆ تەواوكردنی لایەنی پراكتیكی وانەكانیان و دواتر هەڵسەنگاندنیان بۆ ئەنجام ئەدرێت لەبری تاقیكردنەوەی كۆتایی ساڵی خوێندنی (٢٠١٩-٢٠٢٠). بڕگەی سێیەم: بۆ جێبەجێكردنی ئەم بڕیارانەی سەرەوە دەسەڵات ئەدرێت بە زانكوكان بۆ دارشتنی ووردەكاری جێبەجێكردن لەپێناو ڕەچاوكردن و پاراستنی جیاوازی و تایبەتمەندێتی نێوان زانكۆكان. بڕگەی چوارەم: زانكۆ و پەیمانگە تایبەتەكانیش ئەم بڕیارانەی سەرەوە جێبەجێ دەكەن. بڕگەی پێنجەم: سەبارەت بە قوتابیان و خوێندكارانی دبلۆمی باڵا و ماستەر و دكتۆرا ئەوا بەپێی بڕیارەكانی پێشو و پرۆگرامی خوێندنی خۆیان بەردەوام ئەبن. لە كۆتاییدا هیوای تەندروستی و سەركەوتن بۆ یەكەبەیەكەی خوێندكاران و قوتابیان دەخوازم و لە ناخەوە سوپاسی دایك و باوك و كەسوكاری بەڕێزیان دەكەم كە لە پێگەیاندنی ڕۆڵەكانیاندا ماندوو بوون و درێغییان نەكردوە، هەروەها جارێكی تر پڕ بەدڵ سوپاسی سەرجەم مامۆستایان و فەرمانبەرە بەڕێزەكانی وەزارەتی خوێندنی باڵا و زانكۆكان دەكەم كە هەمیشە لە پێناو خزمەتكردن و پێگەیاندنی ڕۆڵەكانی نیشتیمانەكەماندا درێغیان نەكردوە. لەگەڵ هیوای سەركەوتن بۆ هەموو لایەك. د. ئارام محمد قادر وەزیری خوێندنی باڵا و توێژینەوەی زانستی ٢٦/٥/٢٠٢٠


ئاگادارییەک بۆخوازیارانی خوێندنی دیبلۆمی باڵا، ماستەر و دکتۆرا لە کۆلێجی زانست

posted Jan 6, 2020, 10:07 AM by danial muhammed   [ updated Jan 6, 2020, 11:13 AM ]

لە ئێستاوە تا بەرواری ٢٦\١\٢٠٢٠ پێشکەشکردن بەردەوام دەبێت و بەرواری ٢\٢\٢٠٢٠ تاقیکردنەوەی توانستی زانستی ئەنجام دەدرێت.

خوازیارانی خوێندنی باڵا بۆ وەرگرتنی داواکارییەکانیان لە لایەن هۆبەی خوێندنی باڵای کۆلێجی زانستەوە مەرجە بەم دوڕێگەیە داواکاریەکانیان پێشکەشبکەن:

١- هەمو ئەو دۆکومێنتانەی کە داواکراوە لە خاڵی ٢ (فۆرمى پێشکەشکردن و بەڵگەنامە پێویستەکانى پێشکەشکردن) بە هارد کۆپی ببرێت بۆ هۆبەی خوێندنی باڵا لە بینای بەشی تۆماری کۆلێجی زانست، نهۆمی یەک، ژوری ژمارە (١٤).

٢- هەمو ئەو دۆکومێنتانەی کە داواکراوە لە خاڵی ٢ (فۆرمى پێشکەشکردن و بەڵگەنامە پێویستەکانى پێشکەشکردن) بەم ئیمەیلە ([email protected])  بنێرن بۆ هۆبەی خوێندنی باڵا ی کۆلێجی زانست.

تێبینی: هەر خوازیارێک مەرجە لە سەبجێکتی ئیمەیڵەکەی کە دەینێرێت ناوی سیانی خۆی بنوسێت.

 

١- ڕێنماییەکان:

تێبینی: تکایە پێش پێشکەشکردن بە وردی ڕێنماییەکان بخوێنەوە:


ڕێنمایی دبلۆمی باڵا یەک ساڵەیی لە زانکۆ حکومیەکانی هەرێمی کوردستان بۆ ساڵی ٢٠١٩-٢٠٢٠

ڕێنمایی خوێندنی باڵا\ماستەر لە زانکۆ حکومیەکانی هەرێمی کوردستان بۆ ساڵی ٢٠١٩-٢٠٢٠

ڕێنمایی خوێندنی باڵا\دکتۆرا لە زانکۆ حکومیەکانی هەرێمی کوردستان بۆ ساڵی ٢٠١٩-٢٠٢٠

==================================================

٢- فۆرمى پێشکەشکردنى خوێندنى دبلۆمی باڵا و ماسته‌ر و دكتۆرا و بەڵگەنامە پێویستەکانى پێشکەشکردن


فۆرمی پێشکەشکردنی خوێندنی باڵا - دکتۆرا

بەڵگەنامە پێویستەکانى پێشکەشکردن بۆ خوێندنی دكتۆرا

==================================================

فۆرمی پێشکەشکردنی خوێندنی باڵا - دبلۆمی باڵای یەک ساڵەی ئەکادیمی و ماستەر

بەڵگەنامە پێویستەکانى پێشکەشکردن بۆ خوێندنی دبلۆمی باڵای یه‌ك ساڵه‌ى ئه‌كادیمی و ماسته‌ر

============================================================

٣- پلانی پەسەندکراوی زانکۆی سلێمانی

پلانی پەسەندکراوی زانکۆی سلێمانی بۆ خوێندنی بالا\ دبلۆمی باڵای یەک ساڵەیی ئەکادیمی و ماستەر و دکتۆرا بۆ ساڵی خوێندنی ٢٠١٩ - ٢٠٢٠

==========================================================================

تێبینی:

١- کڵێشەی لاری نەبون لە بەشی یاسایی کۆلێجی زانست وەردەگیرێت، وە لەبەشی یاسایی سەرۆکایەتی زانکۆی سلێمانی راستاندنی بۆ دەکرێت.

٢. خوازیار بۆ زانیاری دەربارەی بابەتەکان بۆ تاقیکردنەوەی توانستی زانستی دەتوانێت پەیوەندی بە و بەشە زانستییەوە بکات کە داواکارییەکەی بۆ پێشکەشکردوە.

٣- بۆ زانیاری زیاتر خوازیار دەتوانێت پەیوەندی بکات بە هۆبەی خوێندنی باڵا لە بینای تۆماری کۆلێجی زانست، نهۆمی یەک، ژوری ژمارە (١٤).

٤- تایبەت بەو بەشانەی کە تائێستا پلانەکانیان پەسەند نەکراوە بۆ کورسیەکانیان، ئەوا لە نزیکترینکاتدا ئاگاداردەکرێنەوە لە هەرچ گۆڕانکاریەک کە ڕوبدات. 

 =============================================================================

وانەی پراکتیکی لە کێڵگەی جیۆلۆجیدا

posted Nov 15, 2019, 11:27 AM by Sardar Saleem Fatah Karim   [ updated Dec 14, 2019, 10:15 AM by danial muhammed ]

وانەی پراکتیکی لە کێڵگەی جیۆلۆجیدا...
لە چوارچێوەی گۆڕینی پرۆسەی وانە ووتنەوە بۆ وانە فێرکردن بەئاگایی سەرۆکی بەش، دوێنێ بەرواری ٢٠١٩/١١/١٠ لە کەشێکی پاییزەدا مامۆستایانی بەشەکەمان بەڕێزان (پ.د. فازڵ احمد لاوە، م. رازاوه حمە ڕەشید و م. اسعد ابراهیم) وانەی پراکتیکی چینزانی (ستراتیگرافی) قۆناغی سێیەمیان لە تاقیگەوە گواستەوە بۆ کێڵگەی جیۆلۆجی بۆ ناوچەی تاڤگەی سەرچنار تا بە پراکتیکی بابەتەکان بۆ خوێندکاران باس بکەن و زانیاریەکان وەرگرن و پێوانەکان بکەن.

.سەرۆکایەتی بەش سوپاس و دەستخۆشی خۆی ئاراستەی مامۆستایان دەکات و هیوای بە پراکتیکی فێربوونی بابەتەکان بۆ خوێندکاران دەخوازێت


 
 
.

Workshop

posted Sep 20, 2019, 10:20 AM by rebaz fayaq hamarawf

Chemistry Department have a workshop on '' How to improve teamwork skill'' on Oct 19, 2019 For Dr. Abdulfatah Hawrami, Registration is limited to 30 Participants.

دروست کردنی چەند گیاندارێک بۆ بەشەکانی جێۆلۆجی و بایۆلۆجی

posted Jun 22, 2019, 12:52 PM by danial muhammed   [ updated Jun 22, 2019, 12:52 PM ]

بە ناوی ڕاگرایەتی کۆلێجی زانست زۆر سوپاسی هەردوو موعیدی بەڕێز (سۆران حمە علی احمد) وە (سۆما اسماعیل محمد) لە بەشی بایۆلۆجی دەکەین کە هەستاون بە دروست کردنی:

١- دایناسۆرێکی گەورە بۆ بەشی جێۆلۆجی

٢- چەند گیاندارێک بۆ بەشی بایۆلۆجی

شایەنی باسە ئەم دوو گەنجە خوێن گەرمە لەسەر ئەرکی خۆیان و بە سپۆنسەری بەڕێز د. سەرداری بەشی جیۆلۆجی وە هیلاکیەکی زۆر ئەم کارەیان ئەنجام داوە کە  کارەکان زۆر پرۆفیشناڵن .ئەگەر  لەدەرەوە ئەو جۆرە نموونانە بکڕدرایە ئەوا تێچوویەکی زۆری دەبوو .وە پێویستە زانکۆ سوود لە دەست ڕەنگینی وکارامەیی ودڵسۆزی کەسانی وەک ئەم بەڕێزانە وەربگرێت وە هانبدرێن لە ڕووی مادی ومەعنەویەوە.نموونەیان زۆر بێت و لەش ساغ بن.


خوێندکارێکی بەشی کۆمپیوتەر بڕوانامەی ماستەری بەپلەی نایاب بەدەست هێنا

posted Jun 22, 2019, 12:35 PM by danial muhammed   [ updated Jun 22, 2019, 12:37 PM ]

کاتژمێر 9ی سەرلەبەیانی رۆژی پێنج شەممە  13/ 06 /2019، لەھۆڵی سیمیناری کۆلێجی زانست  ،بە ئامادەبوونی پ.ی.د. سۆران محمد / ڕاگری کۆلێج و  پ.ی.د. دیاری علی/ یاریدەدەری ڕاگر وسەرۆکی بەشی کۆمپیوتەر وژمارەیەک لە مامۆستایان وفەرمانبەران گفتوگۆی نامەی ماستەری خوێندکاری خوێندنی باڵا (محمد یوسف شکور ) لە بواری زانستی کۆمپیوتەر بەڕێوە چوو بە ناونیشانی:(Multi-Layer Security Framework for Cloud Storage Services)

بەسەرپەرشتی هەردوو بەرێزان پ.ی.د.فاضل سلمان عبد وە د.مصطفى ابراهيم خليل. لەرێگەی لیژنەیەکی زانستییەوە تاوتوێی ماستەرنامەکەی ناوبراو کرا وەک بەشێک لەپێداویستییەکانی پێدانی بڕوانامەی ماستەر لەبواری زانستی کۆمپیوتەر، لە ئەنجامدا ماستەرنامەکە بە پلەی (نایاب) پەسەندکرا، شایەنی باسە ناوبراو پێشتر لە ماوەی ئەنجامدانی ماستەر نامەکەی توێژینەوەیەکی زانستی بڵاو کردەوە.

ئەندامانی لیژنەی گفتوگۆ پێکهاتبوون لە بەرێزان :

پرۆفیسۆر د. برهان فخرالدين جمعة / سەرۆکی لیژنە / زانکۆی کەرکوک

پ.ی د. نور غازى محمد / ئەندام / زانکۆی پۆلیتەکنیکی سلێمانی

د.ايسر عبدالخالق عبدالرحمن / ئەندام / زانکۆی سلێمانی

پ.ی.د.فاضل سلمان عبد / ئەندام وسەرپەرشتیار/ زانکۆی پۆلیتەکنیکی سلێمانی

د.مصطفى ابراهيم خليل / ئەندام وسەرپەرشتیار / زانکۆی سلێمانی

بەڕێز ( محمد یوسف شکور ) بڕوانامەی بکالۆریۆسی بەپلەی یەکەم لەسەر ئاستی کۆلێج بەدەست هێناوە لە ساڵی ٢٠١٢ وە بە (معید) لە سەرۆکایەتی زانکۆی گەرمیان / بەڕێوەبەرایەتی تەکنۆلۆجیای زانیاری و ئامار دامەزراوە.


فێستیڤاڵی ساڵانەی بەشی كۆمپیوتەر لە كۆلیژی ژی زانست بەڕێوەچوو

posted Apr 21, 2019, 6:08 PM by danial muhammed   [ updated Apr 21, 2019, 6:51 PM ]

بە ناوی کۆلێجی زانستەوە سوپاسی سەرۆکایەتی بەشی کۆمپیوتەر و مامۆستا و خوێندکارە بەڕێزەکان دەکەین بۆ ئەنجامدانی چوارەمین فێستیڤاڵی ساڵانەی بەشی كۆمپیوتەر لە بەرواری ( 18-4-2019) لە ژێر ناونیشانی (Tech Talent Festival) كە فێستیڤاڵێكی ساڵانەیەو هەموو ساڵێَك لە بەشی زانستی كۆمپیوتەر بەڕێوە دەچێت ئامانج لێی دەرخستنی توانا جیاوازەكانی خوێندكارانی بەهرەمەندی بەشی كۆمپیوتەرە وە نیشاندانی پرۆژەو بەرهەمە هەمەڕەنگەكانە بە میوانان و كۆمپانیا تەكنەلۆجییەكان وە دروستكردنی پرۆژەی خزمەتە بۆ كۆمەڵگا كە سود بە گشت بگەیەنێت. ‌هیوادارین هەمیشە سەرکەوتو و بەردەوامبن.

مەراسیمی ڕێزلێنان

posted Dec 5, 2018, 2:23 PM by danial muhammed   [ updated Dec 5, 2018, 2:23 PM ]

 ئەمڕۆ 4/12 زە ئامادە بوون بەڕێز ڕاگرو یاریددەری ڕاگر و گشت فەرمانبەرانی کۆلێج مەراسیمی ڕێزلێنان سازدرا بۆ هەر یەک لە خاتوو بەهار شوکت وە بەڕێز هاوڕێ محمود .لە مەراسیمەکەدا خەڵاتی ڕزلێنان و چەپکە گوڵ پێشکەش بە خاتوو بەهار کرا لەپای ئەو خزمەت و تەمەنەی کە بەخشیبووی بە کۆلێج وەماڵئاوای لێکرا کە بەڕێزیان خانە نشین بوون بە داخەوە.هەروەها خەڵاتی ڕێزلێنان پێشکەش بە بەڕێز کاک هاوڕێ کرا لە پای ئەو هەموو خزمەتەی کە پێکەشی دەکات بە کۆلێج.لەکۆتایدا وێنەی یادگاری لەگەڵ یەکە کارگێڕیە جیاجیاکانی کۆلێج چرکێنرا.بەناوی گشت فەرمانبەرانەوە سوپاسی بەڕێز ڕاگر دەکەین بۆ سازدانی ئەم مەراسیمە.هەروەها سوپاسی فەرمانبەران دەکەم کە نیوەڕۆخوانێکیان ئاماد کردبوو بۆ ئەو بۆنەیە.



1-10 of 125